هاى أنت! مش لاقى شغل وقاعد فى
البلاى ستيشن؟ طب عايز تشتغل؟
الحل عندى! ركز معايا وأنا
هسفرك تشتغل بره ..
ندورلك الاول فى الدول العربية
على بلد محترمة نسفرك تشتغل فيها ..
السودان؟ يعنى هتسيب مصر وتروح السودان يا فقرى!
تونس؟ لا لا عندهم مظاهرات عشان عندهم نفس مشكلتك بس
على الاقل عملوا حاجة مش مرمين فى البلاى ستايشن زيك!
الجزائر؟ أنت بايع نفسك يابنى؟ مع أول ماتش هتلاقى نفسك
متحاصر
بقولك أيه سيبك من شمال افريقيا
وخش على الخليج والفلوس وعيش بقى ..
قطر؟ لا مش بيحبوا المصريين وأنا عارفك تنك ومش
هتستريح هناك
الامارات؟ مش مضمونة برده!
العراق؟ كان زمان
الكويت؟ هتموت من الحر وأنا عارفك مخنوق من نفسك
أساساً
السعودية؟ لا لا مش هى دى اللى
فى دماغك
طب سيبك بقى من الدول العربية وعيش
الحلم، الحلم الأمريكى!
أنا عارف أنك محوش قرشين وبابا
وماما محوشين قرشين ..
شوية كلام عن المستقبل والحلم
الأمريكى وهتكون جمعت تمن التذكرة وسافر بقى وعيش الحلم الأمريكى وادعيلى ..
رجعت بسرعة ليه؟
عارف عارف، عاملوك على أنك إرهابى
ومدخلتش البلد أساساً!
معلش بقى الفلوس راحت بس لسه فى
أمل ..
ايطاليا! أنت واد رياضى وهتعرف
تعوم وميتخافش عليك، بس لو غرقت المفتى قالك زيك زى المنتحر، وعلى أيه؟
بلا حلم أمريكى بلا ايطاليا ..
مالها مصر؟ ماله حلم عائشة عبد
الهادى؟
هتبقى بودى جارد قد الدنيا، وأهو
أعتبر نفسك شرطة يا أخى!!
***
ليست هناك تعليقات:
إرسال تعليق